Chalisaभगवान: Lord Ganesha
श्री गणेश चालीसा
सुनें
श्री गणेश चालीसा
सुनें
दोहा
जय गणपति सदगुण सदन, कविवर बदन कृपाल।
विघ्न हरण मंगल करण, जय जय गिरिजालाल॥
---
सुनें
चौपाई
जय जय जय गणपति गणराजू। मंगल भरण करण शुभ काजू॥ १ ॥
जय गजबदन सदन सुखदाता। विश्व विनायक बुद्धि विधाता॥ २ ॥
वक्र तुण्ड शुचि शुण्ड सुहावन। तिलक त्रिपुण्ड भाल मन भावन॥ ३ ॥
राजत मणि मुक्तन उर माला। स्वर्ण मुकुट शिर नयन विशाला॥ ४ ॥
पुस्तक पाणि कुठार त्रिशूलं। मोदक भोग सुगन्धित फूलं॥ ५ ॥
सुन्दर पीताम्बर तन साजे। चरण पादुका मुनि मन राजे॥ ६ ॥
धनि शिव सुवन षडानन भ्राता। गौरी ललन विश्व विख्याता॥ ७ ॥
ऋद्धि सिद्धि तव चंवर सुधारे। मूषक वाहन सोहत द्वारे॥ ८ ॥
कहौ जन्म शुभ कथा तुम्हारी। अति विचित्र अति मंगलकारी॥ ९ ॥
एक समय गिरिराज कुमारी। पुत्र हेतु तप कीन्हो भारी॥ १० ॥
भयो यज्ञ जब पूर्ण अनूपा। तब पहुँच्यो प्रभु धरि द्विज रूपा॥ ११ ॥
अतिथि जानि कै गौरि सुखारी। बहुविधि सेवा करी तुम्हारी॥ १२ ॥
अति प्रसन्न ह्वै तुम वर दीन्हा। मातु पुत्र हित जो तप कीन्हा॥ १३ ॥
मिलहि पुत्र तुहि बुद्धि विशाला। बिना गर्भ धारण यहि काला॥ १४ ॥
गणनायक गुण ज्ञान निधाना। पूजित प्रथम रूप भगवाना॥ १५ ॥
अस कहि अन्तर्धान रूप ह्वै। पालने बालक रूप अनूप ह्वै॥ १६ ॥
बनि शिशु रुदन जबहिं तुम ठाना। लखि मुख सुख नहिं गौरि समाना॥ १७ ॥
सकल मगन सुख मंगल गावहीं। नभ ते सुरन सुमन बरसावहीं॥ १८ ॥
शम्भु उमा बहु दान लुटायें। सुर मुनिजन सुत देखन आयें॥ १९ ॥
लखि अति आनन्द मंगल साजा। देखन आय शनि महराजा॥ २० ॥
निज अवगुण गुनि शनि मन माहीं। बालक देखन चाहत नाहीं॥ २१ ॥
गिरिजा कछु मन भेद बढ़ायो। उत्सव मोर न तोहि सुहायो॥ २२ ॥
कहत शनि कस मोहि देखावत। भृगु मुनि शाप भयंकर आवत॥ २३ ॥
तातहुँ शनि बालक पर डार्यो। शीश उड़ि आकाश सिधार्यो॥ २४ ॥
दुखित भई गिरिजा अति भारी। रोर मची कैलाश मँझारी॥ २५ ॥
सुर सब पुनि वैकुण्ठ सिधाये। विष्णु भगवानहिं जाइ सुनाये॥ २६ ॥
गरुड़ चढ़े विष्णु सुर त्राता। लावन शीश चले जग दाता॥ २७ ॥
हस्ति शीश लखि सुंदर लीन्हा। बालक के धड़ ऊपर दीन्हा॥ २८ ॥
प्राण मंत्र पढ़ि शम्भु मिलायो। गजबदन सब देव मनायो॥ २९ ॥
प्रथम पूज्य वर सबन्हि दिन्ह्यो। बुद्धि विधाता प्रभु कर लीन्ह्यो॥ ३० ॥
सकल विघ्न तुम दूर निकन्दो। जय जय जय विघ्नेश्वर वन्दो॥ ३१ ॥
संवत सहस्र दसहु परमाना। भयो जन्म तव सकल जहाना॥ ३२ ॥
जो यह पाठ करै नित ध्याना। बुद्धि विलास लहहिं ज्ञाना॥ ३३ ॥
निशिदिन जपहिं जो भक्त सुजाना। लहैं सकल सुख संपति दाना॥ ३४ ॥
पुत्रहीन जो ध्यान लगावै। सुत सम बुद्धिमान वर पावै॥ ३५ ॥
निर्धन जो पाठ करै भ्राता। होइ धनवान कृपा सुखदाता॥ ३६ ॥
भूत पिशाच निकट नहिं आवै। महाबली जब ध्यान लगावै॥ ३७ ॥
संकट कटै मिटै सब पीरा। जो सुमिरै सुर नायक धीरा॥ ३८ ॥
गणपति चालीसा जो गावै। साखी गौरीश सिद्धि पावै॥ ३९ ॥
मनवांछित फल पावै सोई। विघ्न विनाशन मंगल होई॥ ४० ॥
---
सुनें
दोहा
श्री गणेश यह चालीसा, पाठ करै जो कोय।
सर्व सुख लहै सदा, विघ्न न कबहूँ होय॥
सम्वत् आठ सौ आठ पर, मास भाद्रपद जान।
शुक्ल चतुर्थी वार सुभ, पूर्ण चालीसा जान॥
संबंधित विषय:#ganesh chalisa#ganesha#vighnaharta#chalisa#bhakti#चालीसा#Chalisa